وجهت النجمة نيللي كريم رسالة لوالدتها بمناسبة الاحتفال بـ"عيد الأم"الموافق غدًا 21 مارس 2015.

وكتبت نيللي عبر صفحتها الرسمية بموقع "فيس بوك"،"إلى أغلى حد في الحياة كلها ماما ثم ماما ثم ماما، بحبك وبتخانق معاكِ ومش بسمع كلامك وبعاندك معظم الوقت وإنتِ دائمًا صح علشان عندك حاسة الأم اللي دائما بتطلع صح، لو حد له فضل عليّ بعد ربنا هي ماما فقط لا غير هي اللي جنبي هي اللي بتساعدني هي اللي شايلة وشالت كل عيالي في عز شغلي أو تقلباتي النفسية والعصبية، حتى وهي عيانة قلقانة عليّ".

وأضافت "مش عارفة أقول ليكِ شكرا على إيه ولا إيه أشكرك إني لسة عايشة ولسة زي ما أنا زي ما ربتيني أكون إنسان محترم وأحترم حتى اللي مش محترمين وكل واحد بتديله أسباب للسماح أقول إيه غير كفاية حسك في الدنيا وسامحيني لو لسه مش بسمع الكلام، بحبك قد الدنيا وأنتِ الدنيا".