عالية ووليد طالعين من المستشفى وعالية مبين عليها مبسوطة وخجلانة بنفس الوقت
وليد حاطط ايدو ع كتف عالية
بوقفو ع الرصيف تبع المشفى وبيستنو تكسي وبهالاثناء بيحكو سوا
انو هيك يا منظومة بتخوفيني عليكي
انت السبب
مابقى تحطي ببالك لك مجنونة ولا تردي ع حدا ومن اليوم وطالع ماعاد بدي ياكي تزعلي ولا تبكي ولا تتعبي ابداً ابداً مفهوم
قول لحالك
بتجي التكسي وبيركبو
بيوصلو ع البيت وبتكون جيهان اخت وليد عم بطعمي بناتا
اي الحمد لله ع السلامة لاقي ما طولتو
وليد ما بيرد عليها وبيمسك ايد عالية وبيفوتو ع اوضتون وبسكرو الباب
جيهان بجن جنونا وبتررك بناتا وبتروح وراهون ع الاوضة وبتصير تخبط ع الباب تخبيط مو طبيعي
افتحو يا قليلين الذوق افتاح ولا وليد يا نسونجي يا مقطع يا موصل لك والله لافضحك والله وانتي يا فلتانة يلي مالك ملاقية مين يلمك قومي انقلعي من بيتي مابدي بنات شوارع انا يلااااااا.... بتزيد الدق ع الباب وبتعلي صوتا وبتصير تصرخ.... يلااااااا قوم انت وياها وانقلعو من بيتي هلأ
وليد بيفتح الباب بعصبية وهي بترتعب وبترجع لورا خافت من شكل وشو وهو معصب..... لك انتي مجنونة شي اااااه مجنونة
خراس ما بسمحلك
انتي يلي بدك تخرسي وتسدي حلقك ومابقى تحكي حرف برات الطريق لا معي ولا مع مرتي فهمانة
بتقرب وبتتناوء من الباب وبتطلع ع عالية يلي قاعدة ع التخت وماسكة بطنا وعم تبكي..... بتبلش تبهدلا... ليكي مو عليي هالحركات انو ساكتة وما بتردي وبتبكي انا مارق عليي كتير من نمرتك يعني حافظتكن حفظ يا هالفلتانات
عالية بتطلع عليها بقهر وبتنادي... ولييييد
وليد بيدفش اختو جيهان لبرات الاوضة.. لك انقلعي بقى الله ياخدك وبطبش الباب بوشا
بتقرب وبدق الباب بقوة وبتقلن بصوت عالي... يكون بعلمكن اذا لبكرة الصبح ما طلعتو من بيتي رح جبلكن الشرطة وتفه بتبزء عليهن وبتفوت ع اوضتا وبتاخد بناتا معا يلي اجو ركيد ع صوت امون وضلو واقفين عم بتفرجو ع الخناقة
....... ..
عالية بالاوضة عم تبكي وتضب تيابا وغراضا بشنتاية السفر
ووليد عم يحاول يهديا.... لك حبيبتي شو عم تعملي خلص روئي هي وحدة مجنونة شبدك فيا
لأ هي مو وحدة مجنونة هي اختك
بس بدي اعرف هي ليش هيك عم تحكي معك شو صرلا لما شافتني ليش عم تقول عليي فلتانة وهي لسى ما شافت مني شي ولا بتعرفني.... وعم تكمل ضب تيابا وتبكي
لك حبيبتي عم قلك مجنونة لا تردي عليها الله يخليكي وبعدين حاج تبكي وتحوصي وتتعبي حالك شو نسيتي شو قال الدكتور ولا ارجع عدلك قال الراحة ثم الراحة ثم الراحة مشان الببو ما يتعب حبيبتي
عالية بتحط ايدا ع بطنا وبتتحسس الجنين وبتبتسم وهي عم تبكي وبتحكي معو... لك اصلاً انت فرحة عمري
وليد بيقوم وبيحضنا وببوسا ع خدا وبيمسحلا دموعا
اي هيك هاه ابتسمي دخيل هالوش انا
..............
جيهان واقفة ع باب اوضة وليد وعالية وحاطة ادنا ع تسمع كل شي
فجأة بترجع لورا وهي مذهولة..... ببووو؟!!! لعمى هي حامل ..... بتسمع صوت حدا جاية منون بتركض فوراً بتفوت ع اوضتا وبتسكر الباب شوي شوي
........................
وليد وعالية طالعين من الاوضة لابسين ومتشيكين ع الاخير وليد بيقفل باب الاوضة بالمفتاح وبحطو بجيبتو وبيمشو
يلا حياتي امشي
بيطلعوا من البيت
......................
جيهان بتطلع من اوضتا
اي دربي يسد ما يرد انا بورجيك انت وياها يا نور
..........................
