عالية وامها داخل احدى المستشفيات
عالية ماشية قبل امها وعم تتلفت يمين وشمال وتدور ع اوضة معينة وامها ماشية وراها مو فهمانة شي
عالية بتوقف عند اوضة معينة وبترجع لعند امها خطوتين بتمسكا من ايدا.... يلا ماما تعي
ام عالية بتنتر ايدا وبتعصب... لك لوين جايبتيني يا بنت شو انتي امي ولا انا يلي امك...
ماما لا تعملي هيك اذا بتريدي تعي معي هلأ وبفهمك
لا هلأ بدي افهم والا بحمل حالي وبرجع ع البيت
طيب ماما تعي معي رح فهمك
لا مالي متحركة ولا خطوة لأفهم ليش جايبتيني لهون شو عم تخططي
خطط.. ههه حبيتا هي ماما مالي عم خطط لشي
لكن احكي شوفي
طيب ماما تعي ع جنب هيك واقفين بنص الكوريدور وعم يتفركش فينا الرايح والجاية... تعي ع جنب تعي
هي اجيت بقي هالبحصة بقى عليتي قلبي
سلامة قلبك يا غالية... بتعرفي رفيقتي حنان يلي بروح انا وياها ع دروس الدين مو هيك
اي بعرفا طبعاً شبها؟
اي ابن خالة امها دكتور كتير كبير بفرنسا ومن اهم الدكاترة بالعالم بهالاختصاص
اني اختصاص
ماما بتعرفي شو قصدي مابدي قول الكلمة خلص عرفتي اني اختصاص
ام عالية بتحكي بثقة... اسمو اورام لا تخافي قوليا
لا ماما بعيد الشر عن قلبك نشالله يلي ما بحبوكي اي
عالية كملي شبو هادا الدكتور
بعدين مين الك بدي دكتور انا عم تابع مع دكتور منيح والباقي على رب العالمين
ونعم بالله بس ماما هداك دكتور عادي متلو متل اي دكتور بالبلد اما هادا يلي جايين لعندو التلك من اهم دكاترة الاورام (بتسكت وبتطلع بأمها وبعدين بتابع) يعني من اهم الدكاترة بالعالم وبيجو لعندو من كل انحاء الدنية وهو عايش بفرنسا وعندو مستشفى خاصة وبيعالج فيها هادا المرض يلي الله يهفيه يارب مجاناً وهلأ هو هون لانو عندو عمليات مجمعينلو ياها لهادا الشهر لانو هو بيجي مرة بالسنة مشان يعمل عمليات كبيرة متل هيك
بنتي وانا شبدي بكل هالحكي
ماما حنان حكت مع امها وحاكتلي ياه وشرحتلو وضعك وهو عم يستنانا ليفحصك ويقلنا شو نعمل
ييييييييي... عالية بتحط ايدا ع جبينا... لك نسيت جيب الأشعة والتحاليل
اي لا تخافي معي بالشنتة
عنجد ماما..
اي
اووووف ما بتتخيلي شو اكلت هم ما يكونو معنا
اي هنن عطول معي بالشنتاية
نشالله ما بتعودي محتاجة تحطي هيك شي بشنتياتك يا عمري
الله يرضى عليكي يارب
حبيبتي يا احلى أم
بتعانقا وبروحو ع اوضة الدكتور
مكتوب ع الباب
مدير المستشفى
عالية بدا تدق الباب بس امها بتمسك ايدا لك وقفي هادا مكتب المدير
اي ماما هو قاعد بمكتب المدير التلك هو عايش بفرنسا بيجي لهون مرة كل سنة بس يعني اكيد ماعندو غرفة خاصة فيه بالمشفى
طيب
بتدق الباب وبتفتح وبيفوتو
......................
عالية وامها ييفوتو ع غرفة المدير وبلاقو دكتور قاعد جوا ع المكتب
ولافف الكرسي يعني ضهرو لعندون
بتقرب عالية وبتسلم
السلام عليكم دكتور انا عالية يلي حكتلك عني حنان
بيلف الكرسي وبيشيل النضارة وبيبتسم وبيسلم
اي يا اهلين تشرفت فيكن
عالية وامها متسغربين صغر سن الدكتور
عفواً شبكن في شي
لا ابداً دكتور بس بعتقد في خربطة
لا مافي خربطة ولا شي انا الدكتور كريم قرايب حنان
عفواً لا تواخذنا بس يا ابني ما توقعتك شبيب ودكتور كبير برات البلد اسم الله ربي يحميك
تسلمي خالة الله يطول بعمرك بس انا لا شبيب ولا شي بس هيك ببين عليي هههه بيضحك بلطافة
اتفضلوا اتفضلوا عدو ليش واقفين يا اهلا وسهلا شو بتحبو تشربو
لا والله مابدنا نعذبك
عذاب شو هاد الله يسامحك خالة
بيرفع سماعة التلفون وبيتصل بالسكرتيرة... الو انسة سهى تعي لعندي شوي اذا سمحتي
بيسكر السماعة
عالية ساكتة وما نطقت بحرف
.........................
بمر وقت وام عالية شرحت للدكتور حالتا بالتفصيل والدكتور شاف الأشعة والتحاليل
نشالله ما ع قلبك شر خالة كلو خير بإذن الله لا تخافي انتي بس ثقي بالله عز وجل وثم بعبدك المتواضع
الله يرضى عليك يا ابني
بيلتفت لعالية يلي ساكتة من اول اللقاء
انسة عالية لا تاكلي هم والدتك بأيدي أمينة ونشالله ما بصير الا كل خير لا تكوني خويفة هالقد والدتك بتستمد قوتها وصبرها منك ولاااوووو
بتبتسم عالية وبس
ام عالية... اي والله هي كل شي بالنسبة ألي تؤبر قلبي
بعيد الشر عنك ماما
اي يا صبايا لكان نحنا موعدنا بكرة الصبح نشالله مشان نبلش بأول مرحلة من العلاج ناطركن ياريت ما تتأخروا ومرة تانية ما على قلبك الا العافية خالة
الله يعافيك يارب
عالية وامها وهنن طالعين.... يلا بخاطرك دكتور ومنتشكرك كتير على استقبالك ولطافتك
ولاااو هادا واجبنا شرفتو بانتظاركن بكرة
اذا الله راد
السلام عليكم
وعليكم السلام
بيطلعوا من الغرفة وبيسكرو الباب
بعد ما صارو ع باب المشفى من برا مستنيين تكسي
ام عالية بتطلع ببننا.... لك بنتي شو صرلك سكتي وما عاد نطقتي بحرف
ماما مافي شي بس ما بحب الدكاترة والمستشفيات انا
اي امشي امشي
بيوقفو تكسي بيركبو وبروحو ع البيت
................
بالسهرة عالية وامها قاعدين بالصالون عم يتفرجوا ع التلفزيون
بيرن موبايل عالية
الو
وعليكم السلام
اهلين حنون
الحمد لله بالف خير تسلمي يارب كلك ذوق
اي والله رحنا
اي تمام الله يجزيكي الخير
اي بكرة نشالله اول يوم
اي والله يارب
اي
اي والله بدي اشتغل طبعاً يعني المصاري يلي معنا ما حيعيشونا دهر مصيرون يخلصو
اي اكيد عندي خبرة فيا اشتغلت كتير سكرتيرة ومديرة تنفيذية
اي بشتغل ليش لا
بس وين؟
عنجد هو نفسو الدكتور كريم يلي رحنا لعندو اليوم؟؟
اي ليش هو محتاج سكرتيرة كلا شهر وراجع ع فرنسا متل ما عم تقولي
اي
اي
والمؤتمر حيكون خلال هالشهر كمان؟
ممممممممممممممم ايوا الله يوفقو باينتو محترم كتييييييييرررررر الله يكتر من امثالو
اي ماشالله
بس اسم الله كيف دكتور كبير ومعروف ومهم وهو عمرو صغير هيك يعني معقولة؟
بالله عمرو 40 😮
ام عالية بتطلع ببنتا مستغربة... يوووه اربعين سنة لك والله مو مبين عليه ماشالله عليه ربي يحفظو
هاه اسمعتي ماما شو قالتلك
ههههه اي ما صدقت
اي يعني شو ساوي انا مشان الشغل
بكرة يعني لما روح مع ماما لعندو؟
جاية معي
اي اوك
ماشي حبيبتي
اوك
حنون
مابعرف شبدي الك
جد الله يخليلي ياكي يارب وما يحرمني لهفتك ومحبتك يعني والله ما بعرف لولاكي شو كنت عملت بحالي...
امرك سكتت هههه
اوكي حبيبتي وانتي من اهلو غداً نلتقي بإذن الرحمن
عالية بتسكر الموبايل مبتسمة
ام عالية... اييييي
شو اي ماما شبكي
اي شو قصة الشغل احكيلي
حنان شافتلي شغل يعني ع اساس ما سمعتينا 😜
اسكتي وليه طبعاً سمعت بس ما فهمت لهيك عم بسألك
الدكتور يلي رحنا لعندو اليوم بدو وحدة تزبطلو مواعيدو هالشهر يلي هو فيه هون لانو كتير مضغوط بالعمليات وعندو مؤتمر كبير جايين اهم الأطباء يحضروه من كل انحاء العالم
بقى قالتلو انو عندي رفيقتي بس ما حبت تقلو انو انا قبل ما تسألني بقى بكرة نشالله منشوف التفاصيل بس لنروح انا وياكي ع المشفى
بس بنتي ليش لتشتغلي انا طلبت منك شي
ماما يعني هالمصاري لايمتى رح يكفو طبعاً بدي اشتغل ما بكفي انك عم تصرفي تحويشة عمرك
لك بنتي ربك ساترا والحمد لله
ونعم بالله
نشالله خير تؤبريني
نشالله يارب
.................
يتبع
