لم أكن أعلم أن هذا الحوار الثلاثي في فيلم "يارب ولد" من الممكن أن يكون ملهمًا لهذا الدرجة، فالمخرج عمرو سلامة يرى أن هذا"البق كان من واحد من أعظم أفلام السينما المصرية الكوميدية "يارب ولد".

ففي مشاركة عبر صفحته الشخصية بـFacebook، أكد المخرج الشاب أنه يتذكر هذا الحوار كلما خرج شخصية عامة لتقول كلامًا يبدو مستفزًا للبعض ولكن يردده الجميع في السر وليس في العلن، وقال: "البق دا بفتكره كل مرة شخصية عامة بتقول كلام كلنا بنقوله في السر بس مانقولوش في العلن، وكل ما حد يقوله في العلن يتجلد".
وأضاف عمرو سلامة معقبًا على تصريحات وزير العدل المقال: "وزير العدل لو كان قاعد مع ٩٠٪ من الناس اللي انتقدته على انفراد وقال اللي قاله ماكانوش اعترضوا".

وتابع قائلًا: "أيام ما كان الواحد مشغول بالسياسة كان كل ما يقعد مع سياسي على انفراد كان يقعد يتكلم على إن الشعب جاهل ومش فاهم الديموقراطية، اللي هو نفس اللي قاله عمر سليمان على الهوا فالناس سلخته، وكل سياسي من دول كان يطلع على التليفزيون يتكلم على وعي الشعب العظيم".

ورأى سلامة أن المشكلة تكمن في قناعاتنا الشعبية التي وصفها بالـ"عطنة والمعفنة اللي كل يوم بنحترف إزاي نداريها وفي الكلام العام نقول عكسها بالظبط".

وعن التوريث قال: "كل مؤسسة في مصر تقريبا فيها توريث، إحنا مش بنعترض على التوريث بشكل حقيقي، بس نسلخ أي حد يعترف بيه على الهوا، وغير التوريث، احنا في مليون كارثة في مجتمعنا ومليون قناعة جماعية مزفتة فاكرين طالما ماتكلمناش فيها إنها مش موجودة".

واختتم عمرو سلامة مشاركته بقوله: "كان عندي أمل كبير إن بعد الإنترنت الوضع يتغير، وكنت مؤمن إن التغيير هيكون سريع، يمكن ده ماحصلش أو بيحصل بشكل أبطأ من إننا نلاحظه، أو يمكن العفن موجود وبيكتر، لكن زي ما العبقري سمير غام ما قال: "بس إحنا ما بنقولش".