أبدى المؤلف والسيناريست عمرو سمير عاطف، رفضه وتعاطفه مع الطفل عبادة جمعة الذي ظهر في صورة ويده مكبلة بالـ "كلابشات".
وكانت الصورة انتشرت مؤخرا على مواقع التواصل الاجتماعي المختلفة لطفل يده مكبلة بالحديد، ويحمل طفلة قيل أنها ابنة أخيه، وهي تعبث بالـ "كلابش"، بفمها.
ونشر عمرو سمير عاطف الصورة على حسابه الشخصي، معلقا بالآتي "الولد ده متكلبش- معتقل -ودى اخته الصغيره بتلعب فى الكلابش الصوره دى منتشره على الفيس لو حقيقيه انت يرضيك كده موافق على ده فخور ببلدك وفيها معتقل صغير زى ده بس قبل ما تجاوب اعرف ان ربنا موجود والمظلومين دول ممكن يكون فيهم حد دعا على كل اللى بيأيد الظلم او بينكر الحقيقه واعرف ان ربنا سبحانه وتعالى بيرد على دعاء المظلوم قائلا :وعزتى وجلالى لانصرنك ولو بعد حين جاوب بقي بكل ضمير"
حظي المنشور بتفاعل كبير، حتى إن عددا كبيرا من متابعي عاطف أعادوا نشره.