وبكت لقاء بعد مداخلة هاتفية من شقيقتها نداء، والتي تحدثت عن لقاء قائلة: "لقاء متقدرش تعيش من غير شغل، بتكون مختلفة تماما لما تكون مشغولة في أعمال فتكون مرحة وجميلة وعندها عطاء لكل من حولها".

وكشفت أن لقاء منذ طفولتها كانت "بتمثل عليهم" في البيت وان ابنتها تعتبر لقاء المثل الأعلى لها".

وتمنت في نهاية مداخلتها لشقيقتها أن تستطيع تحقيق النجومية التي تحلم بها قائلة: "أنا عايزاها تحس بنفسها أكثر وفي يوم من الأيام هتوصل لكل اللي هي عايزاه من نجومية خاصة في السينما وهو حلم حياتها".

وخلال الحلقة تفاجأت لقاء بمداخلة هاتفية أخرى من الفنانة مي عز الدين، والتي حرصت على الحديث عن لقاء وشخصيتها التي لا يعرفها الكثيرون.

وقالت: "أنت فنانة جميلة وعايزة أقول للناس مش من أول مقابلة مع لقاء تقدر تفهمها، أنت ممكن أول ما تقابلها تاخد عنها أنطباع إنها شخصية مش إجتماعية، لكن بعد ما بتعرفها وتقرب منها تكتشف انها إنسانة طيبة وتلقائية جدا واللي في قلبها على لسانها".

وتابعت : "بتحب شغلها جدا أكثر حتى مني وهي ممثلة قوية وعندها كاريزما حلوة، وربنا يباركلها في الفترة اللي جاية وترجع في السينما لأن دا مكانها، وأعمالها في الفيديو مفيش دور بتعمله أنا مبتفرجش عليه وكلها أدوار حلوة".

واختتمت حديثها قائلة "يهمني أن الناس تعرف أن لقاء شخصية حلوة ونقية جدا في الحقيقة وعلشان كدا أنا اتكلمت عشان الناس تعرف عني أن صداقاتي مش كتير لكن لقاء واحدة منهم".