وتعرضت أنغام لموقف صعب، حيث استقبلها الجمهور استقبال غاضب بسبب تأخرها عن الصعود على المسرح لما يزيد عن الساعة عن موعدها المحدد، مما أغضب الجمهور غضب كبير.

وروى الكاتب عمر طاهر والذي كان واحدا من ضمن حضور الحفل، الموقف عبر حسابه في موقع Facebook، فكتب:

"باحضر حفلة لأنغام جت متأخرة اكتر من ساعة، فيه ناس م الجمهور استقبلوها بصريخ ال ييييييييه و قالوا لها دى قلة ذوق وعدم إحترام.

اعتذرت وقالت إنها موجودة من بدرى ومش ذنبها التأخير و ابتدت تغنى عادى.

بعد تالت غنوة .. قالت شكرا لأن النهاردة اكتشفت انى كبرت .. لأنى قدرت استحمل المقابلة دى و أغنى. . قبل كدة ماكنتش هاستحمل و أمشى. . بس النهاردة عرفت انى كبرت عشرين سنة على الكام و أربعين بتوعى و الفضل ليكم.. وكان لازم اقول الكلمتين دول علشان أعرف أكمل.

ثم غنت أنغام كما لم تغن من قبل.

ونشر الزميل الصحفي محمد عمر فيديو لكلمة أنغام في الحفل والتي بدى من صوتها الجدية والتأثر بما حدث وقالت أنغام لجمهورها:

" أنا اتربيت على أيديكم فعلا، بمعنى أنا في حاجات كتير في شخصيتي اتغيرت، في أمور بقيت أقوى فيها وفي حاجات بقيت أضعف، أنا زمان وأنا صغيرة ابتديت طفلة كنت بطلع على المسرح سني 8 أو 9 سنين، وبعدين ابتديت أكون مختلفة وأنا عندي 15 سنة، كان دخولي على المسرح واستقبال الناس ميهمنيش لأني مكنتش مدركة أهميته ومكنش نجاحي أو فشلي بيعنيني وأنه ممكن يدمرني، كنت بفرح باستقلال الناس لأني كنت بشوف نفسي وبتعالى على زمايلي.

وتابعت: بس كل ما أكبر بقيت بخاف من دخولي للمسرح ومقابلتي ليكم، واكتشفت النهاردة أني كبرت فوق عمري 30 سنة علشان استقبالكم النهاردة ليا علشان الناس كانت زعلانه فيه.

وأوضحت ما تقصده بكلامها قائلة:"ليه كبرت؟ لأني قدرت أتحمل اللي حصل، لو مكنتش كبرت من جوايا بسبب تربيتكم ليا كنت مشيت ومكملتش، تربيتكم خلتني أفهم يعين إيه مسرح.

انا كبرت واتربيت على أيديكم، والنهاردة كبرت تلاتين سنة فوق اللي حاجة وأربعين اللي عندي.

ومكنتش هامشي علشان زعلانه كنت هامشي علشان مش هقدر استحمل، فأنا النهاردة ادوتني درس مش هنساه وعلمني مع إني حقيقي مكنش ذنبي.

وحسب الأخبار فأن سبب تأخر أنغام هو وجود عدد من مراسلي القنوات الفضائية للتسجيل مع أنغام بعد الحفل ونقله وتصويره، وهو ما اعترض عليه منظم الحفل ونشبت مشكلة تسببت في تأخر صعود أنغام للمسرح، رغم تواجدها في الكواليس، وهو ما أغضب الجمهور بشدة.

وأطلت أنغام بفستان أسود طويل بتطريزات ذهبية وهي الألوان الرائجة هذه الأيام ضيق على شكل "السمكة"، تاركة شعرها ينسدل على كتفيها.

من أجل "واحدة كاملة" أنغام في جلسة تصوير جديدة

أنغام: مصر تحتاج إلى اهتمامنا جميعا.. ولماذا لا نفعل مثل تركيا؟

بالصور- أنغام في الأستديو لمفاجأة جمهورها بأغنية جديدة