ومع حلول ذكرى ميلاد محمود عبد العزيز، وهي الأولى بعد وفاته، حرص محمد على توجيه رسالة لوالده يحدثه فيها عن إشتياقه له وأن يقبل يده ويعايده بعيد ميلاده كما كان يفعل في كل عام في هذا اليوم.

وعبر حسابه في موقع Instagram نشر محمد مجموعة صور مجمعة لوالده وكتب له متمنيا أن يكون راضي عنه وأن تكون كل الهدايا التي يقدمه له تصل إليه، مؤكدا أنه في مكان أفضل ويبتظر لقائه.

وطلب محمد من الجمهور أن يشاركوه في إرسال هدية لوالده في عيد ميلاده وهي الدعاء له وقراءة الفاتحة وتذكره.

يوم ٤-٦-١٩٤٦ هو يوم عيد ميلاد حضرتك، و زى كل سنه لازم أكون اول واحد يقول لحضرتك كل سنه و حضرتك طيب و بخير يا حاج، كان نفسى أكون جنبك و أبوس راسك زى ما دايما بعمل، ياريته كان بإيدى. انا متأكد ان حضرتك ان شاء الله فى احسن حال، يا رب أكون عند حسن ظن حضرتك و يا رب تكون راضى عنى و يا رب تكون الهدايا بتاعتى بتوصل لحضرتك،و ربنا يقدرنى انى أكون سبب يخلى حضرتك فرحان و مبسوط فى مكانك الطاهر النضيف. مش قادر اقول لحضرتك وحشتنى علشان والله العظيم اللى انا حاسس بيه اكبر من كده بكتير لدرجة انى مش لاقيله وصف، حتى كلمة بحبك بقا الإحساس اللى جوايا لحضرتك اكبر منها بكتير اوى. اللى مصبرنى انى متأكد إن حضرتك فى مكان احسن بكتير من اللى احنا فيه، كل سنه و حضرتك طيب و ان شاء الله نتقابل قريب و اتمنى يوم ماجيلك يكون مكانى جنب حضرتك. (لا اله الا الله سيدنا محمد رسول الله). اتمنى ان تشاركوني فى إرسال هديتى لوالدى العزيز الغالى بالدعاء له و الترحم عليه، لكم منى جزيل الشكر. (أسألكم الفاتحة و الدعاء لأبويا و لأمواتنا جميعا)

A post shared by mohamedabdelazizzzz (@mohamedabdelazizzzz) on Jun 3, 2017 at 2:29pm PDT

ورحل محمود عبد العزيز عن عالمنا في نوفمبر الماضي بعد صراع مع المرض، عن عمر ناهز 70 عاما، وكان يتلقى العلاج في مستشفى "الصفا"، ولم يتم الإعلان عما كان يعاني منه، ولكن تردد أنه كان مصابا بأنيميا حادة.

اقرأ أيضا:

رسالة كريم محمود عبد العزيز لوالده في أول ذكري لميلاده بعد الوفاة

محمد محمود عبد العزيز يرد على تشبيه الجمهور له بوالده

هكذا يُقيم جمهور "الأب الروحي" أداء محمد محمود عبد العزيز